ARDNŞ-in Ekologiya İdarəsi və “Təmiz şəhər” ASC birgə tədbirlər həyata keçirir
Bakı, 9 dekabr (AZƏRTAC). Balaxanı şəhər tullantılarının zərərsizləşdirilməsi poliqonunda fəaliyyət göstərən “Təmiz şəhər” ASC ilə bağlanmış müqaviləyə əsasən, Azərbaycan Respublikası Dövlət Neft Şirkətinin (ARDNŞ) Ekologiya İdarəsi mütəmadi olaraq ətraf mühitin ilkin vəziyyətinin qiymətləndirilməsi üçün həmin ərazidən torpaq, su və hava nümunələrinin götürülməsini və kompleks tədqiqat laboratoriyasında araşdırılmasını təmin edir.
Şirkətin mətbuat xidmətindən AZƏRTAC-a verilən məlumata görə, ekspedisiya tərəfindən qeyd olunan ərazidə aparılmış monitorinq işləri zamanı buranın radiasiya fonu da müəyyənləşdirilmişdir. Hazırda bu istiqamətdə nəzərdə tutulmuş işlər uğurla davam etdirilir.
Bölmənin digər xəbərləri
