Avropa Voleybol Konfederasiyası azərbaycanlı hakimə növbəti təyinat göndərib
Bakı, 24 yanvar, AZƏRTAC
Avropa Voleybol Konfederasiyası azərbaycanlı hakimə növbəti təyinat göndərib.
AZƏRTAC xəbər verir ki, beynəlxalq dərəcəli referimiz Eldar Zülfüqarov kişi voleybolçular arasında Çempionlar Liqasının B qrupunda yer alan “Halkbank Ankara” (Türkiyə) və “Hebar Pazardzhik” (Bolqarıstan) klublarının 4-cü tur çərçivəsində keçiriləcək matçını idarə edəcək.
E.Zülfüqarov yanvarın 25-də Ankaranın “TVF SC Baskent Sports Salonu”nda təşkil olunacaq görüşdə baş hakim olaraq oyunu idarə edəcək. Qarşılaşmada ikinci hakim funksiyasını fransalı Çantal Kaiser yerinə yetirəcək.
Bölmənin digər xəbərləri
