AZƏRBAYCAN DEPUTATLARI KONQRESMENLƏRƏ ÖLKƏMİZ BARƏDƏ DANIŞMIŞLAR
Vaşinqton, 10 mart (AZƏRTAC). Azərbaycan diaspor təşkilatı ilə icmalararası əlaqələrin inkişaf etdirilməsi proqramı çərçivəsində fəal iş aparan ABŞ dağ yəhudilərinin Mədəniyyət Mərkəzi ABŞ konqresmenlərinin JCRC yəhudi ictimaiyyəti təşkilatları ilə illik görüşündə Azərbaycan qurumlarının iştirakını təşkil edir. Bu görüş belə adlanır: “Konqresmenərlə illik səhər yeməyi”.
Əməkdar rəssam İsmayıl Məmmədov bildirmişdir ki, bu dəfə Manhettendəki “səhər yeməyi”ndə ölkəmizin daha iki qurumunun nümayəndələri, o cümlədən Milli Məclisin deputatları Qənirə Paşayeva və Həvva Məmmədova da iştiak etmişlər. Onlar Xocalı soyqırımının növbəti ildönümü ilə bağlı tədbirlərdə iştirak etmək üçün ABŞ-a gəlmişdilər. Deputatlarımız həmkarları ilə söhbətlərdə fəal iştirak etmiş, onlara Azərbaycan reallıqları, regiondakı vəziyyət, Ermənistan-Azərbaycan, Dağlıq Qarabağ münaqişəsinin həllinə dair danışıqlar prosesinin gedişi barədə məlumat vermiş, ABŞ konqresmenlərini Bakıya dəvət etmişlər.
Bölmənin digər xəbərləri
