Azərbaycan güləşçisi dünya çempionatının bürünc medalı uğrunda yarışacaq
Bakı, 25 avqust, AZƏRTAC
Parisdə güləş üzrə dünya çempionatı davam edir.
AZƏRTAC xəbər verir ki, sərbəst güləş yarışlarında 86 kiloqram çəki dərəcəsində mübarizə aparan Azərbaycan millisinin üzvü Aleksandr Qostiyev ardıcıl olaraq Qırğızıstan və Gürcüstandan olan rəqiblərini üstələsə də, İran idmançısına uduzub. Rəqibin finala yüksəlməsi ilə təmsilçimiz təsəlliverici görüşlərə qatılıb. Bu görüşdə Moldova idmançısını mübarizədən kənarlaşdıran Aleksandr Qostiyev bürünc medal uğrunda görüşə haqq qazanıb. Üçüncü yer uğrunda qarşılaşmada idmançımız Rusiya güləşçisi ilə üz-üzə gələcək.
Bölmənin digər xəbərləri
