Azərbaycan millisinin basketbolçusu ilə yeni müqavilə imzalanıb
Bakı, 28 iyul, AZƏRTAC
"LANDAU Lions" komandası Azərbaycan millisinin aparıcı üzvlərindən olan Saadettin Donatla müqavilənin müddətini uzadıb.
Bu barədə AZƏRTAC-a klubdan məlumat verilib. Bildirilib ki, basketbolçu daha bir il Bakı təmsilçisinin şərəfini qoruyacaq.
Komanda daha əvvəl amerikalı Ceyms Freyzerlə 2, Orelik Gediminas və De Ondre Ceksonla isə daha 1 mövsümlük yeni müqavilə imzalayıb.
Qeyd edək ki, "LANDAU Lions" FIBA Çempionlar Liqasının yeni mövsümünə hazırlıq məqsədilə avqust ayının ilk həftəsinin son günlərində bir araya gələcək və məşqlərə start verəcək.
Bölmənin digər xəbərləri
