“Azərbaycan” pavilyonunda “Moskva günü” qeyd ediləcək
Moskva, 3 sentyabr, AZƏRTAC
Sentyabrın 7-də Xalq Təsərrüfatı Nailiyyətləri Sərgisindəki “Azərbaycan” pavilyonunda “Moskva günü” qeyd olunacaq.
Pavilyondan AZƏRTAC -a bildirilib ki, həmin gün moskvalıları və Rusiya paytaxtının qonaqlarını Azərbaycan xalq rəqsləri üzrə ustad dərsləri, xoreoqrafın çıxışları, tematik ekskursiyalar, “Azərbaycan” pavilyonu və tərəfdaşlarından olan xatirə hədiyyələri ilə viktorinalar gözləyir.
Pavilyonun ticarət zonasındakı bayram yarmarkasında qonaqlar kəklikotu, hil və mixəkli ənənəvi Azərbaycan çayından, milli şirniyyatdan zövq ala biləcəklər.
Qonaqlar Azərbaycan istehsalçılarının məhsullarını əldə etmək imkanı əldə edəcəklər.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
