Azərbaycanda ilk dəfə birinci ekoloji marafon keçiriləcəkdir
Bakı, 6 noyabr (AZƏRTAC). Bakı Şəhər Gənclər və İdman Baş İdarəsinin (BŞGİBİ) təşkilatçılığı ilə Azərbaycanda ilk dəfə birinci ekoloji marafon keçiriləcəkdir.
BŞGİBİ-dən AZƏRTAC-a verilən məlumata görə, marafon çərçivəsində ekoloji mövzuda bir sıra tədbirlər keçiriləcəkdir. Belə ki, “Ekologiya və mən” mövzusunda şeir və rəsm müsabiqələrinin, “Sağlam həyat tərzi və ekologiya” mövzusunda tədbirin, “İdman və ekologiya” adlı idman yarışının keçirilməsi planlaşdırılır.
Qeyd edək ki, cari ilin dekabr ayından 2011-ci ilin mart ayına qədər davam edəcək marafonun məqsədi əhali arasında sağlam həyat tərzini təbliğ etmək və maarifləndirmə işlərinin aparılmasıdır.
Bölmənin digər xəbərləri
