AZƏRBAYCANIN ÜZGÜÇÜLÜK ÜZRƏ ÇEMPİONATI BAŞA ÇATMIŞDIR
Bakı, 2 may (AZƏRTAC). Azərbaycanın qısa məsafələrə üzgüçülük üzrə çempionatının qalibləri müəyyən edilmişdir. Yarışlarda “Təhsil” İdman Cəmiyyətinin, “Neftçi” İdman Sağlamlıq Mərkəzinin, “Akvasport” klubunun, Xətai Rayonunun Uşaq-Gənclər İdman Məktəbinin, OMİK-in, Bədən Tərbiyəsi və İdman Akademiyasının 49 üzgüçüsü iştirak etmişdir.
Qaliblər 25, 50 və 100 metr məsafəyə üzgüçülük yarışlarında toplanmış xallara görə müəyyən edilmişdir. Sərbəst üsulla üzgüçülərin yarışında Natalya Filina (“Akvasport”), Nazim Ağayev (“Neftçi”), arxası üstə üzgüçülükdə Yelena Paşutina və Boris Kirillov (hər ikisi “Neftçi”), brass üsulu ilə Oksana Hətəmxanova və Vaqif Rüstəmov (hər ikisi “Təhsil”), batterfley üsulu ilə Leyla İslamova və Fərid Hacızadə (hər ikisi “Təhsil”) ölkə çempionu olmuşlar.
Bölmənin digər xəbərləri
