“Azərsu” ASC-in bütün idarə və müəssisələrində iməciliklər keçirilmişdir
Bakı, 7 aprel (AZƏRTAC). Aprelin 7-də “Azərsu” ASC-in bütün idarə və müəssisələrində iməciliklər keçirilmişdir. İməcilikdə ASC-in bütün kollektivi fəal iştirak etmişdir. Ağacəkmə kampaniyasında 2 mindən çox zeytun, şam və digər növ ağac əkilmiş, mövcud ağaclara qulluq göstərilmiş, mərkəzi su anbarlarının, idarə və müəssisələrin ərazisində abadlıq işləri aparılmışdır.
ASC-in mətbuat xidməti və ictimaiyyətlə əlaqələr şöbəsindən AZƏRTAC-a bildirmişlər ki, qurum ekoloji vəziyyətin yaxşılaşdırılması və abadlıq işlərinə xüsusi diqqət yetirir. Belə ki, yaz mövsümü ilə əlaqədar ASC-in istehsalat sahələrinin yaşıllaşdırılması və abadlaşdırılması tədbirləri bundan sonra da davam etdiriləcəkdir. Bu məqsədlə aprel ayının qarşıdakı şənbə günlərində də qurumun bütün idarə və müəssisələrində iməciliklərin keçirilməsi nəzərdə tutulur.
Bölmənin digər xəbərləri
