BAKIDA AZƏRBAYCAN VƏ GÜRCÜSTAN FUTBOL VETERANLARININ GÖRÜŞÜ KEÇİRİLMİŞDİR
Tofiq Bəhramov adına Respublika stadionunda Bakının “Neftçi” və Tbilisinin “Dinamo” futbol komandalarının veteranları arasında görüş keçirilmişdir. Gənclər, İdman və Turizm Nazirliyinin mətbuat xidmətindən AZƏRTAC-ın müxbirinə bildirmişlər ki, ümummilli liderimiz, Prezident Heydər Əliyevin doğum günü münasibətilə təşkil olunmuş görüşdə məşhur futbolçular Ələkbər Məmmədov, İsgəndər Cavadov, Aleksandr Çivadze, Ramaz Şengeliya və digərləri iştirak etmişlər.
Bütün futbol karyerası ərzində dünyanın bir çox ölkələrində azarkeşlərini dəfələrlə heyran qoymuş dəri top ustaları bu dəfə də gözəl texnika nümayiş etdirdilər. Dostluq qalib gəldi, oyun 3 : 3 hesabı ilə başa çatdı.
Bölmənin digər xəbərləri
