Benilüks Azərbaycanlıalrı Konqresi bəyanat yaymışdır
Paris, 16 noyabr (AZƏRTAC). Mərkəzi iqamətgahı Amsterdamda yerləşən Benilüks Azərbaycanlıları Konqresinin mətbuat xidmətindən AZƏRTAC-a bildirmişlər ki, vətən xaini, separatçı Əlikram və oğlu Tural Hümbətovların, onların yaxın qohumlarının heç bir məntiqə sığışmayan, fakta söykənməyən, böhtan xarakterli guya Azərbaycanda etnik qruplara qarşı təzyiqlər edildiyini, onların sıxışdırıldığını bəhanə gətirərərk Niderland Krallığının inzibati mərkəzi Haaqadakı ölkəmizin səfirliyinin qarşısında etriraz aksiya keçirmələri Avropanın ayrı-ayrı ölkələrində, o cümlədən Hollandiyada yaşayan və damarlarında əsl azərbaycanlı qanı axan soydaşalrımız tərəfindən qəzəb hissi ilə qarşılanmışdır. Krallıqda yaşayan azərbaycanlıların əksəriyyətini öz ətrafında birləşdirən, ölkəmizlə bağlı həqiqətləri olduğu kimi Benilüks ölkələrinın vətəndaşlarına çatdıran Benilüks Azərbaycanlıalrı Konqresi bir daha Azərbaycana qayıtmayacağını başa düşərək ona böhtanlar atan Əlikram və onun təsiri altına düşmüş, sapı özümüzdən olub, düşmən dəyirmanına su tökən üzdəniraq beş-altı nəfərin keçirdiyi aksiyaya münasibət bildirərək xüsusi bəyənat qəbul etmişdir. Bəyanatda deyilir: Hələ keçən əsrin əvvəllərindən müstəqil Azərbaycan dövləti qurmaq uğrunda mübarizəyə qalxmış xalqımız 1918-ci ildə müstəqillik qazanmışdır. Amma bolşeviklərin hakimiyyətə gəlişi onun varlığına son qoymuşdur. Əsrin sonlarında isə xalqımız itirdiyi müstəqilliyini yenidən qazanmış və öz dövlətini qurmuşdur.
Ümummilli liderimiz Heydər Əliyevin daxili və xarici siyasətini uğurla davam etdirən Prezident İlham Əliyevin rəhbərliyi altında gənc və müstəqil Azərbaycan dövləti iqtisadiyyatda, sözün əsil mənasında, əsrin sıçrayışını etmiş, böyük nailiyyətlər qazanmış, Cənubi Qafqaz bölgəsində aparıcı dövlətə çevrilmişdir. Azərbaycanın əldə etdiyi nailiyyətlər, ölkənin sürətli inkişafı, əhalinin maddi vəziyyətinin ildən-ilə yaxşılaşması beynəlxlaq aləmdə onun imicinin artmasına səbəb olmuşdur.
Daim yeniləşərək bu gün öz simasını tamam dəyişmiş Azərbaycanın əldə etdiyi uğurlara istər daxildə, istərsə də onun hüdudlarından kənarda yaşayan Əlikram Hümbətov kimi qüvvələr hər vəchlə qara yaxmağa çalışırlar. Azərbaycanın ən ağır və çətin vaxtlarından öz xeyrinə istifadə etməyə, onu parçalamağa cəhd göstərmiş Ə.Hümbətovun azərbaycanlılar adından danışmağa nə hüquqi, nə də mənəvi haqqı vardır. Onun Azərbaycanda milli azlıqlarla bağlı yürütdüyü fikirlər heç bir məntiqə sığışımır. Azərbaycanda bütün milli azlıqlar tarix boyu yerli sakinlərlə mehriban və dostluq şəraitində yaşamış, onlar arasında heç bir ayrı-seçkiliyə yol verilməmişdir. Dünyada başqa xalqlarla münasibətdə tolerant bir ölkə kimi tanınmış Azərbaycanda dövlət milli azlıqların mədəniyyətininin, incəsənətininin, dillərinin və dinlərinin inkişafına hər cür qayğı göstərir.
Avropanın bəzi siyasi dairələrindən qrant alan, ölkəmizə və xalqımıza gizli düşmən kəsilmiş qara qüvvələr tərəfindən maliyyələşdirilən vətən xaini, separatçı Əlikram Hümbətov və onun ətrafındakı beş-altı nankorun qədim və zəngin bir tarixə malik, hümanist ideyalarını Hizami dühası ilə bəşəriyyətə tanıdan böyük bir xalqın ünvanına böhtan demələri Azərbaycanın hüdudlarından kənarda yaşamalarına baxmayaraq qəlbləri daim Vətən həsrəti ilə döyünən hər bir azərbaycanlını qəzəbləndirmişdir. Xaricdə yaşayan Azərbaycanın hər bir layiqli övladı üzünü onlara tutaraq deyir: Vətən xainlərinə ar olsun!
Bəyanatın sonunda qeyd olunur: Vətən xaini, separatçı Əlikram Hümbətov və onun oğlu ilə əlbir olub Vətənimizin və xalqımızın ünvanına qara yaxanların hərəkəti qətiyyətlə pislənilsin. Belə şəxslər Holladiyada və ona qonşu ölkələrdə fəaliyyət göstərən Azərbaycan təşkilatları tərəfindən ictimai qınağa çəkilsin. Bu hadisəyə münasibət bildirməyən və gözləmə mövqeyi tutan təşkilatların hərəkətləri separatçı Əlikram Hümbətova dəstək kimi qiymətləndirilsin. Nəhayət, Ə.Hümbətov və onun tərəfdarlarının hərəkəti birbaşa Azərbaycana və xalqımıza xəyanət kimi dəyərləndirilsin.
Benilüks Azərbaycanlıları Konqresi harada yaşamalarından asılı olmayaraq bütün həmvətənlərimizi Azərbaycan dövlətçiliyini və Azərbaycan xalqını hər cür böhtandan, iftiradan qorumaq uğrunda sağlam mübarizəyə, ölkəmizə qarşı şər qüvvələrin hərəkətlərinə vaxtında layiqli cavab verməyə çağırır.
Əsgər Əliyev
AZƏRTAC-ın xüsusi müxbiri
Paris
Bölmənin digər xəbərləri
