Cənubi Koreya müxalifətinin sabiq lideri prezidentliyə namizədliyini irəli sürəcək
Bakı, 10 aprel, AZƏRTAC
Cənubi Koreyanın aparıcı müxalif “Toburo” partiyasının sabiq lideri Li Çje Mön növbədənkənar prezident seçkilərində iştirak edəcəyini açıqlayıb.
AZƏRTAC xəbər verir ki, Li Çje Mön çərşənbə günü partiya sədri vəzifəsindən istefa verib. Vaxtilə çoxları onun prezidentliyə namizəd olacağını gözləyirdi. O, 2022-ci il seçkilərində Yun Sok Yola bir faizdən az səslə uduzmuşdu.
Xatırladaq ki, aprelin 4-də Koreya Respublikasının Konstitusiya Məhkəməsi prezident Yun Sok Yolu hakimiyyətdən kənarlaşdırıb. Növbədənkənar seçkilər iyunun 3-nə təyin edilib.
Yerli sosiologiya agentliyi “Flower” tərəfindən keçirilən araşdırmaya görə, rəyi soruşulan koreyalıların 49,6 faizi növbəti prezident seçkilərində “Toburo” partiyasının namizədinə səs verəcəklərini bildirib. Respondentlər arasında hakim “Vətəndaş qüvvəsi” partiyasının dəstəyi isə 29,5 faiz təşkil edib.
Sorğu martın 17-dən 20-dək 3 min seçici arasında keçirilib.
Bölmənin digər xəbərləri
