Çinli atlet: İlk dəfədir dünya çempionatında qızıl medal qazanıram
Bakı, 25 avqust, AZƏRTAC
İlk dəfədir dünya çempionatında qızıl medal qazanıram.
AZƏRTAC xəbər verir ki, bu sözləri Bakıda keçirilən atıcılıq üzrə dünya çempionatında kişilər arasında 50 metr məsafəyə tapançadan atəş açmada qızıl medala sahib çıxan çinli atlet Yu Xie yarışın mətbuat xidmətinə açıqlamasında deyib.
İdmançı çox həyəcanlı gün keçirdiyini bildirib: “Bir sıra çətinliklər yaşadım. Bu, mənim üçün çox gözəl təcrübə idi. İlk qızıl medalıma görə çox sevinirəm. Amma turnirin son günləri olduğu üçün yorğunluq hiss olunur. Eyni zamanda, komanda olaraq da qızıl medal qazandıq. Yarışdan əvvəl komanda yoldaşlarımla söhbət edib bir-birimizə dedik ki, qətiyyətli olmalıyıq. Bunun nəticəsi olaraq qalib gəldik”.
Bölmənin digər xəbərləri
