Ciddədə atışma zamanı ABŞ konsulluğunun mühafizəçisi həlak olub
Bakı, 29 iyun, AZƏRTAC
Ciddədə ABŞ konsulluğu qarşısında atışma zamanı silahlı şəxs zərərsizləşdirilib.
AZƏRTAC xəbər verir ki, bu barədə Məkkə dairə polisinin sözçüsü məlumat yayıb.
Onun sözlərinə görə, çərşənbə günü saat 18:45-də Ciddəki ABŞ konsulluğunun binası qarşısında dayanan avtomobildən əlində odlu silah olan şəxs düşüb. Səudiyyə Ərəbistanının təhlükəsizlik qüvvələri vəziyyətə uyğun hərəkət edərək, atışma zamanı onu öldürüb.
ABŞ-ın Ciddədəki konsulluğunun mühafizəçisi də atışma zamanı həlak olub.
Faktla bağlı araşdırma aparılır.
Bölmənin digər xəbərləri
