Ekvador həbsxanasında qarşıdurmalarda ölənlərin sayı 18 nəfərə çatıb
Bakı, 26 iyul, AZƏRTAC
Ekvadorun Quayakil şəhərində həbsxanada baş verən qiyam nəticəsində ölənlərin sayı 18 nəfərə çatıb.
AZƏRTAC xəbər verir ki, bu barədə Ekvadorun baş prokuroru məlumat yayıb.
Məlumatda polis əməkdaşları da daxil olmaqla 11 nəfərin yaralandığı bildirilib.
Qeyd edək ki, iyulun 23-də Ekvadorda bir neçə həbsxanada iğtişaşlar baş verib. Beş cəzaçəkmə müəssisəsində 90-a yaxın mühafizəçi məhbuslar tərəfindən girov götürülüb.
Bölmənin digər xəbərləri
