Elxan Süleymanov illik təqaüdünü Koronavirusla Mübarizəyə Dəstək Fonduna köçürəcək
Bakı, 24 mart, AZƏRTAC
Hazırda təqaüddə olan, Milli Məclisin keçmiş deputatı Elxan Süleymanov Prezident İlham Əliyevin çağırışına qoşularaq, 2020-ci ilin sonuna qədər təqaüdünü tam həcmdə Koronovirusla Mübarizəyə Dəstək Fonduna keçirəcəyini bəyan edib.
AZƏRTAC xəbər verir ki, o, kütləvi informasiya vasitələrinə açıqlamasında deyib: “Xalqımızın sevincini və kədərini birgə bölüşməliyik”.
Elxan Süleymanov bu qərarı ilə dövlətimizin başçısının rəhbərliyi ilə xalqımızın sağlamlığının və rifahının qorunması istiqamətində həyata keçirilən məqsədyönlü tədbirlərə öz dəstəyini ifadə etdiyini bildirib.
Bölmənin digər xəbərləri
