FHN: Ötən sutka ərzində 51 halda yanğına çıxış olub
Bakı, 28 iyul, AZƏRTAC
Fövqəladə Hallar Nazirliyinin (FHN) 112 - qaynar telefon xəttinə daxil olmuş zənglər əsasında nazirliyin aidiyyəti qurumları tərəfindən ötən sutka ərzində 51 halda yanğına çıxış və 9 halda köməksiz vəziyyətdə qalma faktı üzrə qəza-xilasetmə əməliyyatları həyata keçirilib.
Nazirliyin mətbuat xidmətindən AZƏRTAC-a bildirilib ki, görülmüş təcili və təxirəsalınmaz tədbirlər nəticəsində yanğınların operativ söndürülməsi, insanların həyatının xilas olunması təmin edilib.
Ümumilikdə, FHN-in qüvvələri tərəfindən ötən sutka ərzində biri azyaşlı olmaqla səkkiz nəfər xilas olunub. Hadisə zamanı səkkiz bina sakini təhlükəsiz əraziyə təxliyə olunub, 1 nəfər yanıq xəsarəti alıb. Eyni zamanda, qəza-xilasetmə əməliyyatı zamanı bir nəfərin cəsədi aşkarlanaraq aidiyyəti üzrə təhvil verilib.
Bölmənin digər xəbərləri
