FIFA dünya çempionatından 10,5 milyard dollar gəlir əldə edib
Bakı, 16 dekabr, AZƏRTAC
Beynəlxalq Futbol Federasiyası (FIFA) Qətərdə keçirilən dünya çempionatından 10,5 milyard dollar gəlir əldə edib ki, bu da 2018-ci ildə Rusiyanın ev sahibliyi etdiyi turnirdə olduğundan 1 milyard dollar çoxdur.
AZƏRTAC xəbər verir ki, bu barədə FIFA prezidenti Canni İnfantino jurnalistlərin qarşısında çıxış edərkən deyib.
Xatırladaq ki, futbol üzrə növbəti dünya çempionatı noyabrın 20-də start götürüb. Dekabrın 17-də Mərakeş və Xorvatiya yığmaları üçüncü yer uğrunda mübarizə aparacaqlar. Dekabrın 18-də isə çempionluq titulu uğrunda Argentina və Fransa komandaları arasında final oyunu keçiriləcək. Hər iki qarşılaşma Bakı vaxtı ilə saat 19:00-da başlayacaq.
Bölmənin digər xəbərləri
