Formula 1-də “Ford” mühərriklərindən istifadə oluna bilər
Bakı, 15 dekabr, AZƏRTAC
2026-cı ildə Formula 1-də “Ford” mühərriklərindən istifadə oluna bilər.
AZƏRTAC xəbər verir ki, bu barədə “Motorsport” nəşri məlumat yayıb.
Hazırda “Red Bull” komandası ABŞ avtomobil şirkəti ilə danışıq aparır. Amma “Ford” “Red Bull”un səhmlər paketinə sahib çıxmaq fikrində deyil. Bir müddət əvvəl Avstriya komandası ilə “Porşe” arasında da bu istiqamətdə danışıqlar olmuşdu. Nəticədə, Fransa kompaniyası “Red Bull”un şərtləri ilə razılaşmamışdı. “Ford” da “Red Bull”un bu təklifini qəbul etmək istəmir. Tərəflər arasında razılıq əldə olunsa, ABŞ şirkəti “Red Bull” üçün mühərrikləri elə onların öz zavodlarında hazırlayacaq.
Bölmənin digər xəbərləri
