İQTİSADİYYAT
GARANTİBANK İNTERNATİONAL N.V. “UNİBANK”A KREDİT LİMİTİ VERMİŞDİR
“UniBank” Kommersiya Bankı növbəti kredit limiti almışdır. Sənədləşdirmə əməliyyatlarının (akkreditivlərin və təminatların təsdiqlənməsi) təsdiq edilməsinə limiti Hollandiyanın “Garantibank İnternational N.V.” bankı vermişdir.
Bankdan AZƏRTAC-ın müxbirinə bildirmişlər ki, kredit xəttinin ümumi həcmi 1 milyon dollardır. UniBank həmin xəttin vəsaiti hesabına Garantibank İnternational N.V.-dən icra müddəti bir ildən çox olmayan layihələr üzrə təminat və akkreditivlərin təsdiqini ala bilər.
Xatırladaq ki, hazırda UniBank beynəlxalq maliyyə təsisatlarından kredit vəsaitinin cəlb olunması sahəsində Azərbaycan bankları arasında liderdir. Onun kredit vəsaitinin ümumi məbləği isə 40 milyon dollardır.