GÜLƏŞÇİLƏRİMİZ BEYNƏLXALQ TURNİRDƏ UĞURLA ÇIXIŞ ETMİŞLƏR

22.10.2005 [20:45]
Çap et
A⁺ A^-

AZƏRTAC xəbər verir ki, İranın Savə şəhərində yeniyetmələr arasında Purvənd qardaşlarının xatirəsinə həsr olunmuş sərbəst və yunan-Roma güləşləri üzrə ənənəvi beynəlxalq turnir başa çatmışdır.

Yarışlarda məşqçi Namiq Quliyevin rəhbərlik etdiyi sərbəst güləş üzrə yığma komandamızın 4 üzvü turnirin mükafatçıları arasında yer almışdır. Belə ki, Ceyhun Əliyev (55 kq) və Xaqani Süleymanov (74 kq) gümüş, Faiq İsgəndərov (55 kq) və Baxşəli Əhmədov (84 kq) bürünc medal qazanmışlar. Yığma komandamız ümumi hesabda da üçüncü yer tutmuşdur. İran birinci, Rusiya ikinci yerə çıxmışdır.

Yunan-Roma güləşi üzrə məşqçi Bəhram Mürvətovun yetirmələrindən isə yalnız Zakir Abdullayev (60 kq) gümüş medal əldə etmişdir. Bu yarışlarda Rusiya birinci, İran ikinci, Azərbaycan üçüncü yerə sahib olmuşlar.

GÜLƏŞÇİLƏRİMİZ BEYNƏLXALQ TURNİRDƏ UĞURLA ÇIXIŞ ETMİŞLƏR

MÜƏLLİFLƏ ƏLAQƏ

Bölmənin digər xəbərləri