Gürcüstan saytı AZƏRTAC-ın müxbirinin Azərbaycanda koronavirusla mübarizədən bəhs edən məqaləsini yayıb
Tbilisi, 29 mart, AZƏRTAC
Azərbaycan və gürcü dillərində materiallar yayan gaxa.ge saytında AZƏRTAC-ın Gürcüstandakı xüsusi müxbirinin Azərbaycanda koronavirusa qarşı mübarizə istiqamətində görülən tədbirlərdən bəhs edən məqaləsi dərc olunub.
Məqalədə Koronavirusla Mübarizəyə Dəstək Fondunun yaradıldığı, qısa müddətdə bu fonda xeyli vəsaitin köçürüldüyü, dövlət və hökumət qurumları ilə yanaşı, sadə vətəndaşların da bu nəcib aksiyanı dəstəklədiyi vurğulanır. Bildirilir ki, Azərbaycan Prezidentinin təşəbbüsü ilə belə bir fondun yaradılması digər ölkələr üçün də nümunə olub.
Müəllif qeyd edir ki, Azərbaycan bu xəstəliklə mübarizədə bütün zəruri infrastruktura və potensiala malikdir. Azərbaycan xalqı bu sınaq günlərində həmrəylik nümayiş etdirir və bu mübarizədən qalib çıxacağına inanır.
Bölmənin digər xəbərləri
