Hacıqabul Sənaye Parkında Günəş Elektrik Stansiyası qurulacaq
Bakı, 10 aprel, AZƏRTAC
“Agas Group” MMC-yə İqtisadiyyat Nazirliyinin tabeliyində İqtisadi Zonaların İnkişafı Agentliyinin (İZİA) idarəçiliyində olan Hacıqabul Sənaye Parkının rezidenti statusu verilib, bununla da sənaye parkının rezidentlərinin sayı 12-yə çatıb.
İZİA-dan AZƏRTAC-a bildirilib ki, şirkət tərəfindən sənaye parkının ərazisində 2,5 MVt-lıq Günəş Elektrik Stansiyasının (GES) qurulması planlaşdırılır. Layihənin həyata keçirilməsi ilə sənaye parkının enerji təminatının bir hissəsi alternativ və bərpaolunan enerji mənbələrinin hesabına ödəniləcək.
İnvestisiya dəyəri 1,4 milyon manat olan layihə çərçivəsində 5 nəfər daimi işlə təmin olunacaq.
Bölmənin digər xəbərləri
