HEYDƏR ƏLİYEVİN SİYASƏTİ AZƏRBAYCAN XALQINI XOŞBƏXT GƏLƏCƏYƏ QOVUŞDURACAQDIR
İSRAİLDƏ YAŞAYAN SOYDAŞLARIMIZ BU QƏNAƏTDƏDİRLƏR
İsraildə yaşayan soydaşlarImız adından Xəqani Zeynalovun AZƏRTAC-a göndərdiyi teleqramda deyilir: “İsraildə çalışan azərbaycanlılar dünya şöhrətli siyasətçi, fövqəlgücə və bacarığa malik dövlət başçısı Heydər Əliyevin vəfatı xəbərini dərin kədər hissi ilə qarşılayıblar. Heydər Əliyev təkcə Azərbaycanda deyil, bütün dünyada yaşayan azərbaycanlıların dayağı, lideri idi. İsraildə yaşayan azərbaycanlılar dahi və unudulmaz rəhbərimizin vəfatı ilə bağlı Azərbaycan xalqına, onun Przidentinə dərin hüznlə başsağlığı verir, ruhu şad olsun deyirlər”.
Soydaşlarımız Azərbaycan xalqına və xaricdəki soydaşlarımıza müraciət qəbul ediblər. Müraciətdə deyilir: “Azərbaycanmızın İsrail və demək olar ki, dünyanın bütün dövlətləri ilə mehriban dostluq münasibətləri vardır. Bu əlaqələrin yaradılmasında və inkişafında Prezident Heydər Əliyevin xidmətləri ölçüyəgəlməzdir. Bu gün dahi insanın, müdrik siyasətçinin yolunu davam etdirə biləcək layiqli davamçısı vardır. Azərbaycan xalqı və xaricdə yaşayan milyonlarla azərbaycanlı məhz bu davamçının - İlham Əliyevin ətrafında birləşməliyik. Bizim nicatımız Heydər Əliyev ideyaları altında birliyimizdədir.
İsraildə yaşayan soydaşlarımız cümə axşamlarında Heydər Əliyevin vəfatı ilə bağlı ehsanlar verir, mərhumun ruhuna dualar oxuyurlar.
Bölmənin digər xəbərləri
