Hindistanda 230-dan çox şahmatçının iştirak etdiyi festival keçiriləcək
Bakı, 8 yanvar, AZƏRTAC
Sabah Dehlidə “A” kateqoriyalı beynəlxalq “Dehli-2018” şahmat festivalına start veriləcək.
AZƏRTAC xəbər verir ki, 26 ölkədən 233 oyunçunun, o cümlədən 29 qrossmeysterin iştirakı ilə keçiriləcək turnirin reytinqi-favoriti Azərbaycan nümayəndəsi Arkadi Naydiçdir (2701).
Hindistanda təşkil edilən bu beynəlxalq open-turnir İsveçrə sistemi üzrə 10 turdan ibarət olacaq, yarışın qalibi isə yanvarın 16-da elan ediləcək.
Bölmənin digər xəbərləri
