Hyustonda Dünya Azərbaycanlılarının Həmrəyliyi Günü qeyd olunub
Vaşinqton, 15 dekabr, AZƏRTAC
Dekabrın 15-də ABŞ-ın Texas ştatının Hyuston şəhərində Dünya Azərbaycanlılarının Həmrəyliyi Günü təntənəli surətdə qeyd olunub.
Hyustonda fəaliyyət göstərən Azərbaycan-Amerika Mədəniyyət Alyansı tərəfindən təşkil edilmiş tədbir Azərbaycan Respublikasının dövlət himninin səsləndirilməsi ilə başlayıb. Sonra Azərbaycan icmasının gənc üzvləri doğma Vətənlə bağlı şeir və mahnılar, habelə səhnəciklər ifa ediblər.
Bundan əlavə, təşkilat üzvləri qonaqlara Azərbaycanın işğal altında olan Qarabağ bölgəsi haqqında məlumat veriblər. Azərbaycan Amerika Mədəniyyət Alyansının rəhbəri İsmayıl Əhmədov qeyd edib ki, bu bayramın Hyustonda yaşayan azərbaycanlılar tərəfindən qürurla keçirilməsi xalqımızın yüksək həmrəylik potensialına malik olmasından xəbər verir.
Yusif Babanlı
AZƏRTAC-ın xüsusi müxbiri
Vaşinqton
Bölmənin digər xəbərləri
