Kilian Mbappe Fransa millisinin tarixinə düşüb
Bakı, 15 noyabr, AZƏRTAC
Fransa millisinin “DÇ-2022”nin seçmə mərhələsində Qazaxıstanla matçında Kilian Mbappe poker edib.
AZƏRTAC xarici KİV-ə istinadla xəbər verir ki, bununla da 22 yaşlı futbolçu millinin tarixinə düşüb. Belə ki, K.Mbappe ötən 63 il ərzində bir oyunda dörd qol vuran ilk fransalı futbolçu olub.
Sonuncu dəfə 1958-ci ildə dünya kuboku yarışlarında Jüst Fonten üçüncü yer uğrunda Almaniya millisi (6:3) ilə qarşılaşmada poker edib.
Qeyd edək ki, Fransa millisi “DÇ-2022”nin seçmə mərhələsində Qazaxıstana 8:0 hesabı ilə qalib gəlib.
Bölmənin digər xəbərləri
