Konstitusiya Məhkəməsi Palatasının iclasında Ali Məhkəmənin sorğusuna baxılaraq qərardad qəbul edilib
Bakı, 28 iyul, AZƏRTAC
Azərbaycan Respublikası Konstitusiya Məhkəməsi Palatasının növbəti iclası keçirilib.
Konstitusiya Məhkəməsinin mətbuat xidmətindən AZƏRTAC-a bildirilib ki, iclasda Azərbaycan Respublikası Konstitusiyasının 130-cu maddəsinin IV hissəsinə və “Konstitusiya Məhkəməsi haqqında” Qanunun 7.1-ci maddəsinə əsasən, Azərbaycan Respublikası Mülki Məcəlləsinin 1243.2-ci, 1246-cı və 1273-1-ci maddələrinin şərh edilməsinə dair Ali Məhkəmənin sorğusuna baxılaraq, Plenumun icraatına qəbul olunması haqqında qərardad qəbul edilib.
Sorğuya mahiyyəti üzrə, tərəflərin iştirakı ilə Konstitusiya Məhkəməsi Plenumunun sentyabrın 14-nə təyin edilmiş iclasında baxılacaq.
Bölmənin digər xəbərləri
