Kramatorsk şəhərində kafenin raketlə vurulması nəticəsində ölənlərin sayı 11-ə çatıb
Kiyev, 28 iyun, AZƏRTAC
Donetsk vilayətinin Kramatorsk şəhərinə iyunun 27-də Rusiyanın raket hücumu nəticəsində ölənlərin sayı 11-ə yüksəlib. Ölənlər arasında 3 uşaq da var. Dağıntılar altında hələ də sakinlərin olması ehtimal edilir.
AZƏRTAC xəbər verir ki, bu barədə Ukrayna Daxili İşlər Nazirliyi məlumat verib.
"Axşam saatlarına olan məlumata görə, üçü uşaq olmaqla, 11 nəfərin öldüyü məlumdur. Daha 61 nəfər xəsarət alıb", - nazirlikdən bildirilib.
Qeyd edək ki, Rusiya qoşunları iyunun 27-də axşam saatlarında Kramatorska raket hücumu zamanı S-300 zenit-raket kompleksindən istifadə edib. Raket dinc sakinlərin çox olduğu şəhər mərkəzindəki kafelərdən birini dağıdıb.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
