“Kür” həndbol klubunun baş məşqçisi: İnanıram ki, növbəti oyunumuzda da qələbə qazanacağıq
Mingəçevir, 27 oktyabr, AZƏRTAC
Azərbaycanda həndbol çox sevilir. İnanıram ki, növbəti avrokubok oyunumuzda da qələbə qazanacağıq.
AZƏRTAC xəbər verir ki, bu sözləri "Kür" həndbol klubunun baş məşqçisi Nasser Salimi Avropa Kubokunun II mərhələsində Mingəçevirdə Kiprin “Parnassos Strovolu” klubuna 32:29 hesabı ilə qalib gəldikləri cavab oyunundan sonra jurnalistlərə açıqlamasında deyib.
Mütəxəssis dəstəyə görə azarkeşlərə təşəkkürünü bildirib: "Ümid edirəm ki, növbəti matçımızda da bu arena dolu olacaq. Rəqibimiz hələ bəlli deyil. Həmin komandanın adına növbəti həftə aydınlıq gələcək".
Qeyd edək ki, ötən gün keçirilmiş ilk matçda da rəqibini üstələyən (35:31) "Kür" adını növbəti mərhələyə yazdırıb.
Bölmənin digər xəbərləri
