MASALLI GÜLƏŞÇİLƏRİ SANKT-PETERBURQDA
Rusiyanın Sankt-Peterburq şəhərində XVI Olimpiya oyunlarının çempionu N.Solovyovun şərəfinə keçirilən yunan-Roma güləşi üzrə beynəlxalq turnirdə respublikamızı Masallı rayon uşaq-gənclər idman məktəbinin səkkiz idmançısı təmsil etmişdir.
AZƏRTAC-ın müxbiri xəbər verir ki, üç gün davam edən turnirdə müxtəlif çəki dərəcələrində Masallının gənc güləşçiləri Qeysər Əkbərov və Yədulla Əsgərov ikinci, Elşad Novruzov, Rauf Bağıyev və Elgiz Məmmədov üçüncü yer tutaraq, fəxri fərmanlara və qiymətli hədiyyələrə layiq görülmüşlər.
Bölmənin digər xəbərləri
