MİKROMALİYYƏLƏŞDİRMƏ BANKI 5 MİN KREDİT VERMİŞDİR
Azərbaycan Mikromaliyyələşdirmə Bankı (AMMB) fəaliyyətə başladığı dövrdən - 2002-ci ildən indiyədək 5 min kredit vermişdir. Bankdan AZƏRTAC-ın müxbirinə bildirmişlər ki, təkcə ötən ilin sonunda açılmış Sumqayıt filialında 350-dən çox kredit verilmiş, AMMB-nin mikro və kiçik kreditlərinin ümumi həcmi isə 10 milyon ABŞ dollarına çatmışdır.
Almaniya İnkişaf Bankının bu il AMMB-nin səhmdarları sırasına daxil olması ilə bankın nizamnamə kapitalı 6,85 milyon ABŞ dollarınadək artacaqdır. Bank bu ilin sonunadək Gəncədə filialını açmaq və depozit qəbuluna başlamaq niyyətindədir.
Bölmənin digər xəbərləri
