Milli Kitabxanada Kəlbəcər Şəhəri Günü ilə bağlı sərgi açılıb
Bakı, 24 noyabr, AZƏRTAC
Milli Kitabxanada “25 Noyabr - Kəlbəcər Şəhəri Günü” adlı virtual sərgi istifadəçilərə təqdim olunub.
Kitabxanadan AZƏRTAC-a bildirilib ki, virtual sərgidə rəsmi sənədlər, fotolar, Kəlbəcər şəhərinin tarixi, coğrafiyası ilə bağlı materiallar öz əksini tapıb.
Həmçinin Milli Kitabxananın fondunda mühafizə olunan, Kəlbəcərdə aparılan bərpa-quruculuq işləri haqqında, Vətən müharibəsi və böyük Zəfəri əks etdirən kitablar, məqalələr Azərbaycan, rus, ingilis dillərində nümayiş olunub.
Sərgi ilə link vasitəsilə tanış olmaq mümkündür.
Bölmənin digər xəbərləri
