MİLLİ MƏCLİSİN DEPUTATLARI ATƏT PA-NIN PAYIZ SESSİYASINDA İŞTİRAK EDƏCƏKLƏR
AZƏRTAC xəbər verir ki, Milli Məclis sədrinin müavini, ATƏT Parlament Assambleyasında Azərbaycan nümayəndə heyətinin rəhbəri Bahar Muradova və nümayəndə heyətinin üzvü, parlamentin insan hüquqları daimi komissiyasının sədri Rəbiyyət Aslanova sentyabrın 16-da Kanadanın Toronto şəhərinə səfərə yola düşəcəklər.
Milli Məclisin mətbuat xidmətindən bildirmişlər ki, səfərdən məqsəd ATƏT PA-nın payız sessiyasında iştirak etməkdir.
Sessiyada “Açıq dünyada ATƏT: ticarət, təhlükəsizlik və miqrasiya” və “Aralıq dənizi forumu” mövzuları müzakirə olunacaqdır. Deputatlarımız müzakirə olunan məsələlərə, eləcə də miqrasiya proseslərinin idarə olunması və tənzimlənməsinə münasibətdə ölkəmizin mövqeyini açıqlayacaq, rəy və təkliflərini bildirəcəklər.
Səfər sentyabrın 23-də başa çatacaqdır.
Bölmənin digər xəbərləri
