Naxçıvanda bilyard üzrə açıq birincilik keçirilib
Naxçıvan, 28 mart, AZƏRTAC
Martın 28-də “Konstitusiya və Suverenlik İli”nə həsr olunmuş bilyard üzrə Naxçıvan şəhər açıq birinciliyi keçirilib.
Naxçıvan Muxtar Respublikası Gənclər və İdman Nazirliyinin mətbuat xidmətindən AZƏRTAC-ın bölgə müxbirinə bildirilib ki, “Marvel” Bilyard Klubunda reallaşan yarışa 20 nəfər qatılıb.
Birincilik Naxçıvan Muxtar Respublikası Gənclər və İdman Nazirliyinin dəstəyi, Naxçıvan Şəhər Gənclər və İdman İdarəsinin təşkilatçılığı ilə baş tutub.
Final görüşünü 3:1 hesablı üstünlüklə tamamlayan Rəşad Əhmədov yarışın qalibi olub. Loğman Babayev ikinci, İntizam Quliyevlə Elvin Kərimov isə üçüncü yerə layiq görülüblər. İlk üç yerin sahibləri diplom, medal və hədiyyələrlə mükafatlandırılıblar.
Qeyd edək ki, yarışın məqsədi muxtar respublikada bilyardın inkişafına töhfə vermək, bilyard həvəskarlarının yarış təcrübəsini artırmaqdan ibarətdir.
Bölmənin digər xəbərləri
