NAZ şirkəti Bakıda keçiriləcək U-17 Avropa çempionatının nəqliyyat partnyoru olacaq
Bakı, 18 fevral, AZƏRTAC
Naxçıvan Avtomobil Zavodu (NAZ) şirkəti bu il Azərbaycanda təşkil olunacaq 17 yaşadək futbolçulardan ibarət komandalar arasında Avropa çempionatının rəsmi nəqliyyat partnyoru olacaq.
AFFA-dan AZƏRTAC-a bildiriblər ki, bunun qarşılığında şirkət çempionatın loqosundan istifadə hüququ, məxsusi məhsul kateqoriyası, azarkeşlər, VİP və media üçün xüsusi hədiyyələrin hazırlanması hüququ, rəsmi oyun proqramında 1 səhifəlik reklam yeri, 4 ədəd meydança ətrafı reklam (6 x 0.9 metr), media fonda, oyun biletlərində, rəsmi posterdə, təbliğat materiallarında loqo, UEFA-nın saytındakı “UEFA U-17” səhifəsində loqo və digər üstünlüklərdən yararlana biləcək. Öz növbəsində NAZ şirkəti çempionatın püşkatma mərasimi üçün Yerli Təşkilat Komitəsini 15, turnir zamanı istifadə üçün isə 60 avtomobillə təmin edəcək.
Yaxın günlərdə avtomobillərin təqdimatı keçiriləcək.
Bölmənin digər xəbərləri
