NBA: “Denver Naqqets” doğma meydanda qalib gələrək seriyanı bərabərləşdirib

16.05.2025 [12:17]
Çap et
A⁺ A^-

Bakı, 16 may, AZƏRTAC

Milli Basketbol Assosiasiyasında (NBA) 1/4 final mərhələsinin növbəti oyunu keçirilib.

AZƏRTAC xəbər verir ki, “Denver Naqqets” evdə “Oklahoma-Siti Tander”ə 119:107 hesabı ilə qalib gələrək seriyanı bərabərləşdirib – 3:3.

Qalib komandanın ən yaxşı oyunçusu Nikola Jokiç olub. Serbiyalı basketbolçu 29 xal və 14 ribaundla dubl-dabl edib. Camal Murrey 25 xal, Kristian Braun 23 xal və 11 ribaundla yadda qalıb.

Qonaqların heyətində kanadalı müdafiəçi Şay Gilqeus-Aleksandr 32 xalla fərqlənib. Çet Holmqren 19, Luqents Dort, Aleks Karuso və Keson Uolles hərəyə 10 xal toplayıb.

Xatırladaq ki, komandalar arasında seriyanın final görüşü mayın 18-də “Oklahoma-Siti Tander”in doğma arenasında təşkil olunacaq.