“Neftçi”dən ayrılan Mateus Saldanyanın yeni komandası müəyyənləşib
Bakı, 28 iyul, AZƏRTAC
Bakının “Neftçi” klubundan ayrılan Mateus Saldanyanın yeni komandası müəyyənləşib.
AZƏRTAC xəbər verir ki, braziliyalı hücumçu Serbiya klubu “Partizan”la müqavilə imzalayıb.
Yaponiyanın “CEF Yunayted” klubundan alınan forvard yeni komandası ilə dördillik sazişə qol çəkib. Saldanya yeni komandasında 11 nömrəli formanı geyinəcək.
Qeyd edək ki, Mateus Saldanya “Neftçi”yə bu ilin yanvarında icarə əsasında keçmişdi. O, ötən mövsüm Premyer Liqada keçirdiyi 17 oyunda 5 qol vurub.
Bölmənin digər xəbərləri
