NURSULTAN NAZARBAYEV STİVEN MƏNLƏ GÖRÜŞMÜŞDÜR
Qazaxıstan prezidenti Nursultan Nazarbayev Astanada ABŞ Dövlət Departamentinin Xəzərin enerji diplomatiyası üzrə müşaviri Stiven Mən ilə görüşmüşdür.
AZƏRTAC-ın xüsusi müxbiri Almatıdan xəbər verir ki, bu haqda məlumatı Prezidentin mətbuat xidməti yaymışdır. Görüşdə Stiven Mən demişdir: ABŞ Qazaxıstanla əməkdaşlığın inkişaf etdirilməsinə xüsusi diqqət verir. Bu görüş bir daha təsdiq edir ki, ABŞ və Qazaxıstan arasında iqtisadi əlaqələr get-gedə möhkəmlənəcəkdir. Bu isə hər iki tərəfin mənafeyinə uyğundur.
Müşavir prezidentə Qazaxıstanın Bakı-Tbilisi-Ceyhan layihəsinə qoşulması ilə bağlı Azərbaycan və Qazaxıstan nümayəndə heyətlərinin Almatıda keçirilən görüşü haqqında məlumat vermişdir.
Söhbətdə Qazaxıstanın neft sektorunun inkişafı, çıxarılan neftin Bakı-Tblisi-Ceyhan əsas ixrac boru kəməri ilə nəqli imkanları, energetika sahəsində əməkdaşlıq, bu sahəyə xarici, o cümlədən Amerika sərmayədarlarının cəlb edilməsi və bir sıra digər məsələr müzakirə olunmuşdur.
Qulu Kəngərli
AZƏRTAC-ın xüsusi müxbiri
Almatı
Bölmənin digər xəbərləri
