Ofsayd 2022-ci ilədək avtomatlaşdırılacaq
Bakı, 13 oktyabr, AZƏRTAC
İngiltərənin “Arsenal” klubunun sabiq baş məşqçisi, hazırda FIFA-nın dünya futbolunun inkişaf direktoru Arsen Venger futbolda ofsayd problemindən danışıb.
AZƏRTAC xarici KİV-lərə istinadla xəbər verir ki, mütəxəssis yaxın gələcəkdə oyundankənar vəziyyətin avtomatik olaraq qeydə alınacağını bildirib.
A.Venger qeyd edib ki, ofsaydın 2022-ci ilədək avtomatlaşdırılması ehtimalı yüksəkdir. O, futbolun müasir texnologiyaya doğru getməli olduğunu bildirib.
Qeyd edək ki, hazırda hakimlər matçlarda VAR sistemindən istifadə edirlər, lakin müxtəlif epizodların şərhləri futbol ictimaiyyətində mübahisələrə səbəb olmağa davam edir.
Bölmənin digər xəbərləri
