Oğuz, İsmayıllı və Qubaya dolu düşüb
Bakı, 8 sentyabr, AZƏRTAC
Ekologiya və Təbii Sərvətlər Nazirliyinin Milli Hidrometeorologiya Departamenti tərəfindən əvvəlcədən xəbər verildiyi kimi sentyabrın 7-si gündüzdən 8-i səhərədək ölkə ərazisində hava şəraiti qeyri-sabit olub, şimşək çaxıb, yağış yağıb, bəzi yerlərdə intensiv olub.
Departamentdən AZƏRTAC-a verilən məlumata əsasən, düşən yağıntının miqdarı Böyük Qafqazda 3-50, Qazax-Gəncə zonasında 2-10, Kiçik-Qafqazda 9, Mərkəzi Aran rayonlarında 1-8, Lənkəran-Astara zonasında 1-3, Bakıda və Abşeron yarımadasında 0,5-1 millimetr olub.
Oğuz rayonunun Xaçmaz, Sincan, Xaçmazqışlaq, Dəymədərə, Mollalı kəndlərinə və İsmayıllı rayonuna xırdadənəli, Qubanın Xınalıq kəndinə isə diametri 7 millimetr olan dolu düşüb.
Gəncə, Naxçıvan, Şərur, Quba, Xınalıq, Naftalan, Neftçala, Ağstafa, Şəmkir, Mingəçevir, Biləsuvar, Şirvan, Nabran, Hacıqabul, Şamaxı, Tovuz, Yevlax, Ceyrançöl, Zərdab, Tərtər, Bərdə, Sabirabad, Göyçay, Ağdam, Abşeron yarımadasında və dənizsahili ərazilərdə güclü şimal-qərb küləyi əsib.
Bölmənin digər xəbərləri
