“Oppenheimer” filmində növbəti tarixi təhrifə yol verildiyi iddia olunur
Bakı, 29 iyul, AZƏRTAC
Atom bombasının atası kimi tanınan Robert Oppenheymerin nəvəsi “Oppenheimer” filmində məşhur fizikin həyatının təhrif olunduğunu qeyd edib.
AZƏRTAC xarici KİV-lərə istinadla xəbər verir ki, Çarlz Oppenheymer filmdə yer alan zəhərli alma səhnəsinin doğru olmadığını söyləyərək, bir neçə səhnənin etibarlılığına dair şübhələrinin olduğunu qeyd edib.
“Bu həqiqətən də ciddi ittiham və tarixin təhrifidir. Bu barədə Robertin heç bir dostu, hətta düşməni bu hadisənin baş verdiyini deməyib. Ekran əsərinin həmin səhnəsində müəllimi ilə arasında olan gərgin mübahisədən sonra Robertin stolun üstünə kalium sianidlə zəhərlənmiş alma qoyması göstərilir. Kristofer Nolan burada illərdir danışılan əsassız söz-söhbətə istinad edib. Halbuki filmi ərsəyə gətirənlər belə bir hadisənin həqiqətən baş verib-vermədiyindən əmin deyillər”, - deyə fizikin nəvəsi bildirib.
Bölmənin digər xəbərləri
