Pedri Messinin rekordunu yeniləyib
Bakı, 16 may, AZƏRTAC
Ötən gün İspaniya La Liqasında "Espanyol"la keçirilən XXXVI tur matçı "Barselona" komandasının yarımmüdafiəçisi Pedri üçün əlamətdar olub.
AZƏRTAC xəbər verir ki, o, Kataloniya təmsilçisinin heyətində 200-cü oyununa çıxıb.
Həmin görüşdə rəqibini səfərdə 2:0 hesabı ilə üstələyən "Barselona" sona iki tur qalmış çempionluğu təmin edib.
Futbolçu buna 22 yaş 171 günlüyündə nail olub. Pedri bu göstərici ilə İspaniya nəhənginin heyətində 22 yaş 273 günlük olarkən 200-cü görüşünə çıxmış argentinalı Lionel Messinin rekordunu yeniləyib.
Xatırladaq ki, Pedri İspaniya çempionatında 2024-2025-ci illər mövsümündə 35 oyun keçirib, 4 qol və 5 məhsuldar ötürmə ilə yadda qalıb.
Bölmənin digər xəbərləri
