“Qarabağ”ın müdafiəçisi Elvin Cəfərquliyev karyerasını Belçikada davam etdirə bilər
Bakı, 28 mart, AZƏRTAC
Ağdamın “Qarabağ” klubunun və Azərbaycan milli komandasının müdafiəçisi Elvin Cəfərquliyev karyerasını Belçikada davam etdirə bilər.
AZƏRTAC xəbər verir ki, 22 yaşlı sol cinah müdafiəçisinin xidmətində “Anderlext” maraqlıdır. Bu barədə Belçika mətbuatı məlumat yayıb.
“Anderlext”in gənc sol cinah müdafiəçisi üçün yayda Ağdam təmsilçisinə təklif göndərəcəyi bildirilir.
Qeyd edək ki, E.Cəfərquliyev 2019-cu ilin yayından “Qarabağ”da çıxış edir. O, cari mövsümdə komandanın heyətində meydana çıxdığı 36 rəsmi matçda üç qol və yeddi məhsuldar ötürmə ilə yadda qalıb.
Bölmənin digər xəbərləri
