“Qarabağ”ın sabiq futbolçusu Polşa klubu ilə müqavilə imzalayıb
Bakı, 15 noyabr, AZƏRTAC
Ağdamın “Qarabağ” klubunun sabiq futbolçusu Donald Gerye karyerasını Polşada davam etdirəcək.
AZƏRTAC xəbər verir ki, o, 4-cü liqa təmsilçisi “Veçista”ya keçib. Klubun rəsmi saytı haitili yarımmüdafiəçi ilə bu mövsümün sonunadək müqavilə imzalandığını açıqlayıb. Sözləşmənin müddəti yayda daha 1 il uzadıla bilər.
Qeyd edək ki, Gerye Azərbaycanda “Qarabağ” və “Neftçi”də çıxış edib. O, 2017-ci ilin yayından 2019-cu ilin avqustuna və 2020-ci ilin iyulundan 2021-ci ilin fevralınadək “Qarabağ”da, 2019-cu ilin avqustundan 2020-ci ilin yayınadək “Neftçi”də oynayıb. Futbolçunun son klubu Kipr "Apollon"u olub.
Bölmənin digər xəbərləri
