“Qəbələ” klubu heyətinə daha bir futbolçu cəlb edib
Bakı, 26 iyul, AZƏRTAC
Yeni mövsümün hazırlığını davam etdirən “Qəbələ” klubu heyətinə daha bir futbolçu qatıb.
AZƏRTAC kluba istinadla xəbər verir ki, “qırmızı-qaralar” qapıçı Rəşad Əzizlinin keçidini rəsmiləşdirib.
İyirmi doqquz yaşlı qolkiperlə birillik müqavilə imzalanıb.
Rəşad Əzizlinin son klubu “Şamaxı” olub. O, bunadək “Rəvan”, AZAL, “Səbail”, “Neftçi”, “Sumqayıt” və “Zirə”nin formasını geyinib. Qapıçı Azərbaycan milli komandalarında da çıxış edib. Futbolçu U-17 və U-19 yığmalarının şərəfini qoruyub.
Bölmənin digər xəbərləri
