“Qəbələ”nin sabiq hücumçusu Yamayka futbol tarixinin rəmzi komandasında yer alıb
Bakı, 15 noyabr, AZƏRTAC
Yamayka futbol tarixinin rəmzi komandası açıqlanıb.
AZƏRTAC xəbər verir ki, Beynəlxalq Futbol Tarixi və Statistikaları Federasiyası (IFFHS) adıçəkilən ölkənin simvolik “11-liy”ini müəyyənləşdirib.
2010-2012-ci illərdə ölkəmizdə “Qəbələ”nin şərəfini qorumuş tanınmış futbolçu Deon Barton da Yamayka tarixinin ən yaxşıları sırasına düşüb.
Rəmzi komandada qapıçı - Varren Berret, müdafiəçilər - Yan Qudison, Ues Morqan, Rikardo Qardner, Frenk Sinkleyr, yarımmüdafiəçilər - Robbi İrl, Darril Pouell, hücumçular - Leon Beyli, Lindi Delapenya, Deon Barton və Gil Heron yer alıblar.
Bölmənin digər xəbərləri
