QƏHRƏMAN SOYDAŞLARIMIZIN XATİRƏSİNƏ UCALDILMIŞ ABİDƏ KOMPLEKSİ ƏSASLI TƏMİR OLUNACAQDIR
Komitənin Şərqi Avropa Ölkələri şöbəsinin müdiri Dəyanət Abdullayev AZƏRTAC-ın müxbirinə demişdir ki, Sevastopol şəhərindəki bu abidə Azərbaycan Prezidenti möhtərəm Heydər Əliyevin şəxsi təşəbbüsü ilə 1974-cü ildə ucaldılmışdır. Komitə, Ukrayna Azərbaycanlıları Konqresinin Sevastopol regional təşkilatının abidənin milli üslubda əsaslı təmir edilməsi barədə təklifini bəyənmiş və bir qrup nümayəndə bu günlərdə Ukraynaya səfər etmişdir. Səfər zamanı abidənin vəziyyəti öyrənilmişdir və təmir üçün layihə-smeta sənədləri hazırlanır. Abidənin təmirini gələn ilin may ayınadək başa çatdırmaq qərara alınmışdır.
Bölmənin digər xəbərləri
