RABİTƏ XİDMƏTLƏRİNDƏ ÖZƏL BÖLMƏNİN PAYI ARTIR
Rabitə Nazirliyinin mətbuat xidmətindən AZƏRTAC-a demişlər ki, respublikamızın rabitə sahəsində yeni xidmət növlərinin tətbiqi və müəssisələrin fəaliyyətinin genişləndirilməsi, xüsusilə özəl bölmə üçün hərtərəfli şəritin yaradılması müsbət nəticələrini verir. 2003-cü ildə müəssisə və təşkilatlara, əhaliyə faktiki qiymətlərlə 1,2 trilyon manatlıq, yaxud 2002-ci illə müqayisədə 28 faiz çox xidmət göstərilmişdir. Özəl bölmənin göstərdiyi xidmətin həcmi isə 33,4 faiz artaraq, bütün rabitə xidmətlərinin 68.9 faizini təşkil etmişdir.
Keçən il rabitə xidmətlərinin 73 faizi bilavasitə əhaliyə göstərilmişdir ki, bu da əvvəlki illə müqayisədə 28,2 faiz çoxdur.
Bölmənin digər xəbərləri
