“Sabah” klubu serbiyalı qapıçını heyətinə qatıb
Bakı, 21 iyul, AZƏRTAC
“Sabah” klubu daha bir futbolçu ilə münasibətlərini rəsmiləşdirib.
AZƏRTAC xəbər verir ki, serbiyalı qapıçı Saşa Stamenkoviçlə birillik müqavilə bağlanıb.
Otuz üç yaşlı qolkiper Bakı təmsilçisinin heyətində 30 nömrəli futbolkada çıxış edəcək.
Qapıçı karyerası ərzində Serbiyanın “Radniçki 1923”, “Napredak”, “Srvena Zvezda”, Qazaxıstanın “Okjetpes” klublarında çıxış edib. O, 2011-2015-ci illərdə ölkəmizdə “Neftçi”nin şərəfini qoruyub.
Bölmənin digər xəbərləri
